ჰიალურონის მჟავა - სახსარშიდა ინექცია ოსტეოართრიტის დროს

როდესაც ტრადიციული მედიკამენტები ან ფიზიოთერაპია საკმარის შედეგს ვერ იძლევა, მედიცინა გვთავაზობს ეფექტურ ალტერნატივას — ვისკოსუპლემენტაციას, ანუ ჰიალურონის მჟავის ინექციებს სახსარში.

​რა არის ჰიალურონის მჟავა და რატომ სჭირდება ის სახსარს?

​ჰიალურონის მჟავა ბუნებრივი ნივთიერებაა, რომელიც ჩვენს ორგანიზმში, მათ შორის სახსრის სითხეში (სინოვიალურ სითხეში) ისედაც გვხვდება. მისი ფუნქცია ორგვარია:

​ლუბრიკაცია: მოქმედებს როგორც ე.წ. „საპოხი მასალა“, რომელიც ამცირებს ხახუნს ხრტილოვან ზედაპირებს შორის.

​ამორტიზაცია: იცავს სახსარს მექანიკური დარტყმებისა და დატვირთვისგან მოძრაობისას.

​

ოსტეოართრიტის (სახსრების ცვეთის) დროს, სინოვიალურ სითხეში ჰიალურონის კონცენტრაცია იკლებს, სითხე თხელდება და სახსარი დაუცველი რჩება, სწორედ ამიტომ ხდება საჭირო მისი ინექციის გზით შეყვანა.

​

როგორია ინექციის მოქმედების მექანიზმი:

​ჰიალურონის ინექცია არ არის უბრალოდ ტკივილგამაყუჩებელი. მისი მოქმედება რამდენიმე ეტაპს მოიცავს:

​მექანიკური აღდგენა: სახსარში სითხის სიბლანტის აღდგენა, რაც მომენტალურად აუმჯობესებს მობილობას.

​ანთების საწინააღმდეგო ეფექტი: ამცირებს სინოვიალური გარსის ანთებას და მასთან ასოცირებულ შეშუპებას.

​ქონდროპროტექტორული თვისება: იცავს არსებულ ხრტილს შემდგომი დაზიანებისგან და ასტიმულირებს ორგანიზმს საკუთარი ჰიალურონის გამომუშავებაში.

​ვისთვის არის რეკომენდებული პროცედურა?

​პროცედურა საუკეთესო შედეგს იძლევა მუხლის (გონართროზი), მენჯ-ბარძაყის (კოკსართროზი) და კოჭ-წვივის სახსრის (კრუზართოზი) ოსტეოართრიტის დროს (განსაკუთრებით I, II და III სტადიაზე).

ის იდეალურია პაციენტებისთვის, რომლებიც:

-          ​ვერ იღებენ არასტეროიდულ ანთების საწინააღმდეგო საშუალებებს (მაგ: კუჭის პრობლემების გამო).

-          ​არ არიან მზად ქირურგიული ჩარევისთვის (ენდოპროთეზირებისთვის).

-          ​აქტიურად არიან დაკავებულნი სპორტით და სურთ სახსრის რესურსის შენარჩუნება.

​

პროცედურის მიმდინარეობა და უსაფრთხოება

​ინექცია ტარდება კვალიფიციური ორთოპედის მიერ. პროცედურა თითქმის უმტკივნეულოა და გრძელდება რამდენიმე წუთი. სიზუსტისთვის  გამოიყენება ულტრაბგერითი (ექოსკოპიური) კონტროლი, რაც უზრუნველყოფს პრეპარატის ზუსტად სახსრის ღრუში მოხვედრას.

​მნიშვნელოვანი ფაქტები რეაბილიტაციაზე:

-          ​პაციენტი პროცედურის დასრულებისთანავე ჩვეულებრივად აგრძელებს სიარულს.

-          ​რეკომენდებულია ინექციიდან 24-48 საათის განმავლობაში სახსრის ზედმეტი დატვირთვისგან თავის შეკავება.

-          ​ეფექტი ინდივიდუალურია და საშუალოდ 6-დან 12 თვემდე გრძელდება.

​

რატომ უნდა ავირჩიოთ ეს მეთოდი?

​ჰიალურონის ინექციები საშუალებას გვაძლევს გადავავადოთ რთული ოპერაციები, შევამციროთ მედიკამენტებზე დამოკიდებულება და, რაც მთავარია, დავუბრუნდეთ აქტიურ ცხოვრებას ტკივილის გარეშე.

პრეპარატის შერჩევა:

პრეპარატის შერჩევა (მისი მოლეკულური წონის მიხედვით) უნდა მოხდეს ექიმის მიერ ინდივიდუალურად, პაციენტის ასაკისა და სახსრის დაზიანების ხარისხის გათვალისწინებით.

ინექციის ბინაზე ჩატარების შესაძლებლობა:

​სახსრების დაავადებების დროს, პაციენტისთვის ყოველი ნაბიჯი დიდ ძალისხმევასა და ტკივილთან არის დაკავშირებული. სწორედ ამიტომ, ჩვენი გუნდი გთავაზობთ ინექციურ თერაპიას ბინაზე გამოძახებით.

ბინაზე მომსახურების უპირატესობებია:

​მინიმალური ფიზიკური დატვირთვა: პაციენტს აღარ უწევს ტრანსპორტირებაში, კიბეებზე ასვლასა თუ კლინიკის რიგებში დგომით გამოწვეული დისკომფორტის გაძლება. ეს განსაკუთრებით მნიშვნელოვანია მათთვის, ვისთვისაც გადაადგილება სერიოზულ სირთულეს წარმოადგენს.

​პოსტ-პროცედურული სიმშვიდე: ინექციის შემდეგ რეკომენდებულია სახსრის დასვენება. სახლის პირობებში პაციენტს შეუძლია მანიპულაციის დასრულებისთანავე დაიკავოს მისთვის კომფორტული პოზიცია და თავიდან აიცილოს სახსრის  დატვირთვა, რაც ხშირად გარდაუვალია კლინიკიდან სახლში დაბრუნებისას.

​უსაფრთხოება და სტერილობა: ჩვენი სპეციალისტები მანიპულაციას ატარებენ უსაფრთხოების ყველა ნორმის დაცვით, გამოიყენება ერთჯერადი სტერილური აღჭურვილობა და მაღალი ხარისხის პრეპარატები, ამასთან პროცედურა ტარდება ექოსკოპიური კონტროლით, რაც უზრუნველყოფს კლინიკის დონის სერვისს თქვენსავე სახლში.

სერვისის დასაჯავშნად ან დამატებითი ინფორმაციის მისაღებად გთხოვთ დაგვიკავშირდეთ ცხელ ხაზზე 24 საათის განმავლობაში

+032 2 111 500

ჯეო მედი - გამოიძახეთ კლინიკა სახლში